Fórum Gastronómico
Fórum Gastronómico e Trevisani, delegación en Galicia e co organizadores deste evento
Desde a súa primeira edición en Galicia, celebrada en Santiago de Compostela no 2008, Trevisani está implicada na organización e produción do Fórum Gastronómico, evento de referencia no eido gastronómico a nivel internacional.
No ano 2012, Trevisani pasa de ser unha entidade colaboradora a converterse na Delegación de Fórum Gastronómico en Galicia.
Deste xeito, a empresa galega de organización de eventos e congresos é coorganizadora, xunto á firma Pep Palau, von Arend & Associats, creadores e directores do Fórum, de todos os encontros que se desenvolven cada dous anos no noso país.
Actualmente, A Coruña acolle as edicións galegas desta gran feira profesional e congreso, que tamén se desenvolve en Barcelona e Girona.
Así, a última edición deste evento gastronómico foi en Expocoruña, en marzo do 2019.
Tarefas de Trevisani no Fórum Gastronómico
Nun evento tan grande como é o Fórum Gastronómico, resulta complicado apuntar todas as angueiras que se levan adiante. Entre as realizadas por Trevisani, man a man con Pep Palau, von Arend & Associats, están:
- Secretaría técnica
- Comercialización
- Produción
- Protocolo e relacións públicas
- Relación con administración e patrocinadores
- Persoal auxiliar e azafatas
- Control e confirmación de asistencias
- Xestión de relatores e expositores
- Bases de datos
- Atención ao directo
- Comunicación e gabinete de prensa
- Suxestións para programa paralelo de dinamización
