Ciclo “Conferencias con Solidariedade”
Cinco eventos distintos, con relatores senlleiros, deron corpo ao ciclo “Conferencias con Solidariedade”
Ao longo do 2016 desenvolveuse o ciclo “Conferencias con Solidariedade”, unha serie de eventos artellada dentro do programa de actividades impulsado por Turismo de Galicia e o Xacobeo, con motivo do Xubileu Extraordinario da Misericordia.
A primeira conferencia do ciclo correu a cargo dos representantes de distintas organizacións locais de Galicia: Lorena Seijo, de Asemblea de Cooperación Pola Paz (ACPP); José Anuncio Mouriño, de Cáritas; Pablo Rodríguez, de Entreculturas; e Miño Guerreiro, de Enxeñería Sen Fronteiras.
O protagonista da segunda cita foi Manuel Blanco, bombeiro sevillano que traballa axudando aos refuxiados que chegan por mar á illa de Lesbos (Grecia); Blanco é cofundador e vicepresidente da asociación sen ánimo de lucro Proem-AID.
José Antonio Bastos, presidente de Médicos Sen Fronteiras España, foi quen interveu na terceira sesión dun ciclo e Antoni Bruel, coordinador de Cruz Vermella Española, na cuarta.
A clausura e quinto evento, que tivo lugar no Parador Hostal dos Reis Católicos, contou coa presenza do ex seleccionador español de fútbol Vicente del Bosque.
Para este ciclo de conferencias, Trevisani levou a cabo as seguintes tarefas:
- Conceptualización do ciclo
- Xestión e selección de relatores
- Protocolo e relacións públicas
- Dinamización
- Persoal auxiliar e azafatas
- Atención ao directo
- Deseño e imaxe, en colaboración coa deseñadora María Pereiró
- Apoio a comunicación
- Secretaría técnica
