Tips para sorprender no catering do teu evento

Como a localización ou a iluminación, a comida segue sendo un dos aspectos máis importantes a ter en conta para garantir o éxito do teu evento. Tendencias como a mini-comida ou os food trucks son algúns exemplos de alternativas ao catering tradicional coas que sorprender aos asistentes. Pero non son as únicas.

Aínda que nalgúns eventos o único que se espera do catering é que satisfaga as necesidades básicas marcadas polo momento do día, estas expectativas non impiden aos organizadores utilizalo como unha ferramenta máis de comunicación.

Sobre a sólida base que ofrece a versatilidade e variedade da gastronomía e a materia prima nacional os encargados do catering deberán traballar para ofrecer elaboracións que sorprendan tanto polo seu sabor como pola súa presentación. Neste sentido o mundo do F&B (Food & Beverage) ofrece tendencias e ideas que che axudarán a superar as expectativas dos asistentes ao teu evento.

Comunicación

Introducindo o logotipo da marca no catering ou facendo que a comida estea en consonancia co impulsor do evento podemos facer que este pase para formar parte da estratexia comunicativa. Un exemplo disto é personalizar as etiquetas das botellas de auga co logotipo do evento ou a organización, algo que se viu nalgún dos desfiles da Mercedes Benz – Fashion Week de Madrid.

Presentación

Aínda que a presentación dos alimentos é unha boa forma de captar a atención dos asistentes será a calidade do que se ofrece o que contribuirá a garantir o éxito. Un bo produto non necesita de presentacións innovadoras pero se consegues ese factor disruptivo darías un gran paso. Se pola contra primas a presentación sobre a calidade, o efecto será xusto o contrario. Así, presentar a comida en latas de conserva -nun evento de temática mariña- ou servir gelatinas e similares en recipientes con forma de pintalabios – para eventos de estética, por exemplo-  é unha forma orixinal de captar a atención dos comensais.

Bebidas

Do mesmo xeito que na comida, na bebida tamén hai lugar para a innovación na presentación. Ofrecer cócteles exclusivos, captar a atención cos recipientes  -servir as bebidas en probetas ou pipetas, por exemplo- instalar barras rechamantes ou introducir a coctelería molecular como punto forte é unha forma de sorprender e engadir valor ao teu evento.

Contorna

A ambientación, a decoración, o mobiliario do espazo reservado para o catering e mesmo o uniforme dos camareiros deben ir en consonancia coa temática e os valores que busque transmitir o evento. Todo comunica polo que na fase de organización é moi importante ter ben definidas as sensacións que se pretenden transmitir aos asistentes para adaptar o espazo ás mesmas.

Espectáculo

Cada vez é máis habitual ofrecer espectáculos durante o catering para converter ese momento de descanso nunha experiencia inesquecible para os asistentes. Os coñecidos como “show cooking” son a opción perfecta para romper coa monotonía ligada ao catering tradicional e introducir elementos de entretemento ou interactividade entre a contorna e os asistentes. É moi importante neste sentido ter claro os obxectivos que se perseguen para enfocar o espectáculo en función dos mesmos e evitar así restar protagonismo ao evento principal.

Se buscas sorprender aos asistentes ao teu evento desde Trevisani encargarémonos de aplicar estas e outras claves ás túas necesidades para lograr que a cita sexa todo un éxito. Ponte en contacto connosco e consúltanos sen ningún compromiso. Esperámosche!