Algunhas claves para traballar como azafata en Santiago e Galicia

O post desta semana ten unha vocación especialmente didáctica. Non imos a desentrañar o que está por vir nin nos poñeremos a analizar os dispositivos ou aplicacións que poden facer a nosa tarefa en congresos e eventos máis agradable. Hoxe daremos claves sobre algunhas das cualidades necesarias para traballar como azafata ou auxiliar de congresos e eventos.

Xa saben, por si están pensando en dar o paso.

Para elaborar esta información, contamos coa inestimable colaboración da directora desta casa, Ana Trevisani. A súa longa experiencia na formación de mozas e a súa contrastada experiencia profesional convértena na mellor fonte posible. Os acertos desta entrada son seus e os erros, se houbese, son nosos.

O valor reside na actitude, máis que na aptitude: “As rutinas necesarias para realizar o traballo pódense aprender pero quen queira dedicarse a isto ten que ser responsable, educado e profesional“. Trátase dun traballo que nos expoñerá durante bastantes horas a un público que variará moito dun evento a outro. Xa que logo, a intelixencia social, a capacidade de adaptación e a proactividade son cualidades que deben destacar. Pódese aprender a como acomodar aos asistentes a un congreso ou a ordenar unha mesa pero a iniciativa é algo case innato.

As azafatas e azafatos son unha parte dun equipo, non manequíns: “Houbo un momento, alá cando empezabamos, que si se vía ás azafatas como guapas e listo. Menos mal que isto está máis que superado. A realidade é que unha azafata ou azafato son unha parte dun equipo que traballa durante meses para un evento de días“. O mito de que hai que ter unhas determinadas medidas, ser máis ou menos fotoxénico vénse abaixo no día a día. O que importa é ser resolutivo, operativo e cunha boa actitude de face ao público.

É un traballo, non o País de Nunca Xamáis: “Antes o perfil si era moi concreto: viñan mozas moi novas que querían compaxinar os estudos cun traballo pero hoxe en día, quizais tamén pola situación laboral, traballan connosco xente desde os vinte ata os trinta e ata corenta“. Non existe un canon previo, máis que as calidades necesarias que describimos antes e, está claro, unha presenza adecuada.

Nin é exclusivo para mulleres: “Ao principio si o era, pero temos o orgullo de dicir que fomos a primeira axencia que contratou homes. Este traballo non ten que ver coa talla que uses nin coa túa orientación sexual“. Iso si, é mellor que ter coñecementos básicos de informática, algún idioma extra ou o carné de conducir.

As azafatas aprenden de Bruce Lee, be water, my friend: “Os nosos clientes valoran a capacidade de comunicar, o trato que se lles dá e a capacidade de xestión que teñan. As mozas e mozos ten que ter mundo“. Unha semana podes dedicarche a un evento político e á seguinte comercial e á seguinte, un artístico. Públicos diferentes, con linguaxes diversas que necesitan e esperan que todo vaia rodado. Non vale vaguear, nin facer mala cara ou non proporcionar a correcta comunicación. Ademais, todo ten que ser ao momento: aínda que se preparou durante semanas, o traballo sucede ao instante e hai que estar alerta e con reflexos.

É un traballo que se valora nos currículum: “Non hai ninguén que pase por aquí sen pedir unha carta de recomendación. Agora son médicos, avogados, enxeñeiros, cargos políticos, diseñadores gráficos ou empresarios“. Ao ser un traballo que esixe habilidade, reflexos, disciplina e traballo en equipo, é un punto moi a favor á hora de elaborar un currículum atractivo en calquera campo profesional.

E como recurso final, unha persoa que sexa parte dun equipo organizador de eventos, ante unha situación algo complicada, hai que recorrer ao “un momentito por favor” e preguntar a alguén antes de meter a pata.