Cinco pequenas normas de etiqueta na mesa

Ao longo de moitas entradas no blog falamos de novidades culinarias, dalgunhas normas de protocolo e, sobre todo, da importancia que manteñen os códigos de conduta nunha sociedade como a nosas, na que a socialización e a boa actitude cara o público son unha aptitude máis do noso currículo. Así que é natural que cheguemos a esta entrada: cinco pequenas normas de etiqueta na mesa.

Non nos entendan mal: a inmensa maioría das persoas que coñecemos ten un comportamento na mesa que ninguén criticaría e estamos máis que seguros que os lectores do blog saben moi ben como desenvolverse pero, só no caso de que xurdan dúbidas, deixamos estes pequenos consellos. Ademais, comer é un acto tan elemental da vida que ás veces podemos deixarnos levar por costumes privados cando estamos nunha acto público.

Obviar algunhas como a norma que di que non se mastiga coa boca chea, nin aberta; ou ese precepto que nos indica que non debemos facer espaventos mentres sostemos un cuberto na man, non vaia a ser que lesionemos ao comensal que teñamos sentado á beira. E, está claro, que todo pídese ‘por favor’.

Sen máis dilación, aí van.

1) Nada de móbiles na mesa. Os dispositivos electrónicos non ten cabida nun lugar no que debemos prestar atención tanto aos nosos compañeiros de mesa como á comida e bebida que nos serven. Estritamente, non deberiamos ter un móbil aceso nin sequera aínda que o teñamos gardado no peto. Estamos para gozar da comida e para conversar con quen teñamos sentado á beira; as invocacións a través do Smartphone poden esperar. Tampouco podemos retocarnos o maquillaxe mentres estamos na mesa

2) Si necesitamos algo da mesa (sal, adubios, salsa, bebida) debemos pedir que nolo acheguen, nunca estender o brazo sobre o prato do comensal que teñamos á beira. Ademais de ser incómodo, si facémolo sen previo aviso, poderiamos mancharnos.

3) Non se pica do prato alleo, nin se fan traspases de comida desde un prato a outro. Esta é unha norma que separa as comidas entre amigos das que son máis formais e ás veces é un pouco difícil de cumprir porque xa se sabe: a comida que serven aos demais sempre parece máis rica que a que nos poñen.

4) As donas primeiro, sempre. Un pouco de normas ‘old fashion’ nunca están de máis. Se asistimos a unha comida formal, debemos esperar a que todas as señoras estean sentadas antes de tomar asento.

5) Os cóbados fóra da mesa, o gardanapos sempre sobre o colo e as costas, pegadas ao respaldo da cadeira. Esta é a postura estándar. Non vale nin estar encorvado nin poñernos o gardanapos en plan babeiro. Os cóbados poden apoiarse na mesa a condición de que non haxa comida sobre o prato ou non teñamos un cuberto na man.

Ata aquí nosas pequenas indicacións. Creemos que son fáciles de seguir e poden darnos ese saber facer cando compartimos un momento tan común pero ao tempo particular como é comer. Sobre todo si a ocasión é formal ou solemne. Ademais, creemos que sabendo estes pequenos preceptos, poderemos gozar máis das nosas transgresións cando comemos coa familia ou os amigos, grandes refuxios da confianza.