Danse a coñecer os primeiros Premios Ribeiro 2017
Unha rolda de prensa en Santiago serviu praa dar a coñecer os premiados honoríficos polo Consello Regulador da D.O. Ribeiro
O Consello Regulador da Denominación de Orixe Ribeiro deu a coñecer os gañadores dos seus Premios Ribeiro 2017, nas súas categorías honoríficas, nun evento celebrado en Santiago de Compostela.
Unha vez máis, o CRDO Ribeiro confía na empresa de organización de eventos Trevisani para esta cita.
A Master of Wine xornalista e escritora británica Sarah Jane Evans é o novo “Premio de Honra”; o xornalista catalán Joan Gómez Pallarés, o “Premio á Mellor Tarefa en Comunicación”; a sumiller galega radicada en Madrid Mónica Fernández acada o “Muller e Viño”; e Arsenio Paz, responsable da adega Vilerma, recibe o “Premio Vida entre Vides”.
A proclamación tivo lugar no Arco de Mazarelos, a porta da antiga muralla da cidade por onde entraban nela desde a Idade Media os viños do Ribeiro e no Restaurante Porta do Viño, chamado así por esta tradición.
No evento tomaron parte o presidente do CRDO Ribeiro, Felicísimo Pereira e a xerente do Consello, Cristina Alcalá.
A sexta edición dos Premios da Denominación de Orixe Ribeiro celebrarase o martes 20 de xuño, cun grande evento no Mosteiro de San Clodio (Leiro, Ourense).
Ademais dos indicados, na Gala hanse coñecer os gañadores do resto de categorías: Premio “Mellor servizo de viño en restaurante”; Premio “Mellor tenda especializada – viñoteca”; Premio “Mellor taberna – bar de viños”; Premio “Mellor viño branco adega”; Premio “Mellor viño branco colleiteiro” e Premio “Mellor viño tinto”.
Servizos e traballos de Trevisani nestes Premios Ribeiro 2017
Nesta edición 2017 dos Premios da D.O. Ribeiro, entre as tarefas de apoio de Trevisani, da man do CRDO, atópanse:
- Secretaría técnica
- Dinamización de asistentes
- Xestión de viaxes e reservas
- Prensa E comunicación
- Viaxe de prensa
- Protocolo e Relacións Públicas
