Mikel Azparren percorreu o Camiño de Santiago en bicicleta en menos de 24 horas
Na Praza do Obradoiro un espectador tumbou a Azparren, quen tivo que ir ao hospital
Mikel Azparren, de 47 anos percorreu en 23 horas, 48 minutos e 50 segundos o Camiño de Santiago de xeito íntegro, desde Roncesvalles.
A xesta acadouse entre o sábado 4 e o domingo 5 de agosto, pedaleando atravesando terras de Navarra, A Rioxa, Burgos, León e, xa en Galicia, as provincias de Lugo e A Coruña para un total de 751 quilómetros.
Poucos metros despois do arco de chegada, co reto xa acadado, un espectador -con boa intención- tentou parar a Azparren, quen caeu ao chan da Praza do Obradoiro e rompeu a clavícula.
#Santiago24h Mikel ha llegado en 23h 50 minutos, pero nada más pasar la meta se ha caído. pic.twitter.com/71T9zTt9PZ
— MIKEL AZPARREN (@mikel_azparren) August 5, 2018
E todo aconteceu unha semana despois dunha tentativa errada, que morrera horas despois de comezar.
Durante o esforzo, o ciclista tivo que loitar contra o sono ou o vento. Acompañado de vehículos de apoio que tamén levaban roupa para os cambios, sushi ou xeles enerxéticos.
Gran repercusión nos medios de comunicación e apoio de Trevisani
Trevisani apoiou este reto deportivo en materias como dinamización e difusión nos medios de comunicación, que fixeron deste acontecemento unha das noticias con maior repercusión nos primeiros días de agosto.
Televisións, radios, xornais, axencias de novas ou dixitais de toda España fíxeronse eco.
A relación da empresa de eventos e congresos Trevisani con Mikel Azparren iniciouse na primeira edición de Fairway Forum do Camiño de Santiago, na que o vasco foi relator.
Mikel Azparren contou no seu reto co patrocinio do Banco Sabadell e o soporte de firmas como Orbea, Skoda, Etxeondo, SMWautoblok e RAC (REAL Automóvil Club).
Nesta entrada de facebook, o propio Azparren repasa como vivíu o acontecido.
