Eventos polo 50 aniversario dos estudos de economía en Galicia

A empresa de organización de eventos Trevisani colabora coa Facultade de Ciencias Económicas e Empresariais da Universidade de Santiago na organización do seu calendario de celebracións

O curso 2017-18 que vén de comezar marca a celebración dos 50 anos dos estudos de economía en Galicia e máis da apertura da Facultade de Ciencias Económicas e Empresariais da Universidade de Santiago no curso 1967-68.

Con tal motivo, este centro preparou un extenso calendario de actividades que, nos próximos meses, servirán para conmemorar este aniversario e para pór en valor a traxectoria e o presente do seu traballo.

Trevisani colabora coa Facultade na organización, produción e comunicación destes eventos.

O martes 3 de outubro chegará a inauguración oficial deste programa. Será no Salón Nobre do Pazo de Fonseca e nel estarán presentes autoridades e ex alumnos, coma os ex presidentes da Xunta de Galicia e ex estudantes na Facultade Fernando González Laxe e Emilio Pérez Touriño.

Os relatorios na inauguración estarán a cargo dos profesores José Carlos de Miguel e María Carmen Guisán; e a música correrá a cargo do Espazo de Cámara da Universidade de Santiago.

Ademais, e conforme avance o curso, chegarán moitas outras citas. Entre elas poden apuntarse:

• Congreso “50 anos da Economía Galega”
• Encontro entre profesores de economía e empresa de ensino medio e superior
• Premios “Crearte na Universidade”
• Reunión da Confederación Española de Decanas e Decanos de Economía e Empresa
• Fase final da X Olimpíada Española de Economía
• Programa Emprega-T
• 12th Regional Innovation Policies Conference; o Foro de Emprego Compostalent – AIESEC; o Coloquio Ibérico de Economía Social
• V Encontro Internacional de Mozos Emprendedores

A Facultade da que é decana Emilia Vázquez Rozas convida ao conxunto da sociedade, a formaren parte deste aniversario.

O aniversario conta co portal web www.50aniversarioestudioseconomiagalicia.gal e contas en redes sociais.

Tarefas desenvolvidas por Trevisani nos eventos co gallo do 50 aniversario dos estudos de economía en Galicia 

• Apoio na conceptualización global
• Secretaría técnica de congresos, reunións e presentacións
• Xestión de relatores
• Produción
• Apoio en protocolo e relacións públicas
• Deseño de imaxe e identidad gráfica
• Comunicación dos eventos
• Realización de entrevistas e recursos
• Contidos para portal web
• Creación e xestión de redes sociais
• Azafatas e personal auxiliar