Estrea da película “Contou Rosalía”
O equipo de Trevisani traballou na estrea da película “Contou Rosalía”, un filme elaborado pola produtora Zenit TV e a Televisión de Galicia
Nas verbas da súa directora e produtora executiva, Zaza Ceballos, este filme rompe coa imaxe triste de Rosalía e amosa a cara máis vital da escritora. A emisión na TVG será o mércores 16 de maio, véspera do Día das Letras Galegas.
O pase inaugural desenvolveuse no Auditorio de Galicia, na súa sala Mozart, o venres 11 de maio, ante un público formado fundamentalmente por profesionais do audiovisual galego e autoridades, que foi acomodado polo persoal de protocolo e relacións públicas de Trevisani.
“Contou Rosalía” xuntou un equipo técnico principalmente galego e un elenco encabezado por Melania Cruz como Rosalía de Castro e Fran Lareu, como Manuel Murguía.
Tamén participan Ledicia Sola, Alejandro Jato, César Cambeiro, Josito Porto, Tamara Canosa, Pepo Suevos, David Perdomo ou Celso Parada.
Segundo se comentou no seu evento de presentación, a película está ambientada no Madrid de mediados do século XIX.
A propia Rosalía conta como foi a súa vida social, como viviu a súa paixón de escritora e o seu reencontro co historiador Manuel Murguía. Á capital de España chega a Duquesa da Gloria, unha aristócrata de provocante singularidade. Por asuntos de familia, tamén está na cidade a escritora feminista Rosalía de Castro, que se dedica a facer vida social e a escribir. Madrid convértese nun fervedoiro de dimes e diretes políticos e é testemuña do reencontro entre Rosalía e Murguía. Á calor da común preocupación polas xentes e a cultura de Galicia, nace entre eles unha paixón e un fondo amor que a escritora non quere ver morrer nas cadeas coas que a sociedade da época aferrolla as mulleres.
Tarefas de Trevisani na estrea de Contou Rosalía
A empresa de organización de eventos Trevisani encargouse de distintos traballos na estrea de Contou Rosalía.
- Apoio en protocolo e relacións públicas
- Control de asistencia
- Sitting e acomodo de convidados
- Persoal auxiliar e azafatas