Un cupón da ONCE moi especial
O cupón da ONCE do 5 de outubro contou cun deseño elaborado polo equipo de Trevisani
A ONCE sumouse á conmemoración do 50 aniversario dos estudos de Economía en Galicia coa emisión dun cupón dedicado a esta celebración.
A ilustración do mesmo era a imaxe conmemorativa do aniversario, deseñada polo equipo de Trevisani.
O boleto correspondeu ao da xornada do xoves 5 de abril, festividade de San Vicente Ferrer, patrón desa rama de estudos.
O cupón presentouse na Facultade de Ciencias Económicas e Empresariais da Universidade de Santiago nun acto no que participaron a decana do centro, Emilia Vázquez, e o director da ONCE en Santiago de Compostela, José Antonio Riveiro Canosa.
Este curso 2017-18 é senlleiro para o centro pois celébranse os 50 anos da súa posta en marcha, ao igual que para os estudos universitarios de Economía en Galicia, e ao longo do mesmo estanse a celebrar numerosas actividades conmemorativas.
Día de San Vicente Ferrer na Facultade de Económicas de Santiago
A Facultade de Ciencias Económicas e Empresariais da Universidade de Santiago celebrou a festividade de San Vicente Ferrer, patrón dos seus estudos, cun evento no que se desvelaron os gañadores de distintos premios académicos, artísticos e honoríficos.
Cooperativas Lácteas Unidas (CLUN) recibiu o premio Premio Fulget 2017, que recoñece a empresas ou colectivos empresariais galegos que destacan polo seu traballo a prol das mellores relacións entre a actividade económica e a súa contorna profesional.
No evento entregáronse os premios do certame de pintura CreArte na Universidade 2018. Sara Piñeiro Fernández acadou o 1º premio con “Holocausto”; e Víctor Rodríguez Espiñeira obtivo un accésit coa obra “Estación”.
Próximamente chegarán citas como o congreso 50 anos de economía en Galicia ou a X Olimpíada Española de Economía.
Tarefas da empresa de organización de eventos na conmemoración
Ademais de na imaxe, Trevisani traballa nestes eventos en distintas facetas como: protocolo
- relacións públicas
- secretaría de congresos
- persoal auxiliar
- azafatas
- elaboración de documentación
- relacións cos medios de comunicación
- procura de patrocinios
- servizos de fotografía e vídeo
