#Animar non é berrar, un evento para loitar a prol da igualdade no deporte de base impulsada dende o Proxecto IRIS
O evento Animar non é berrar celebrarase o 17 de novembro no IES Arcebispo Xelmírez I de Santiago e reunirá estudantes de distintos centros e os distintos actores implicados na materia
O 17 de novembro celebrarase #Animar non é berrar, un evento desenvolvido dende Trevisani no que se quere fomentar a igualdade no deporte de base e loitar contra o racismo e as discriminacións, cun sorriso na cara e de xeito divertido.
Para elo reuniranse no IES Arcebispo Xelmírez I de Santiago os distintos actores que conforman a realidade do deporte de base: deportistas, formadores, autoridades, profesores, alumnos …
Destacados deportistas explicarán a súa experiencia, ao tempo que a actriz Isabel Risco conducirá unha xornada que contará con dúas sesións, a primeira de 10:45 a 11.30 horas; e a segunda, de 11:35 a 12:20 horas.
#Animar non é berrar enmárcase dentro do Proxecto IRIS (http://iris-sport.eu/), unha iniciativa financiada pola Unión Europea dentro do Programa Erasmus + que, a nivel español, está desenvolvido dende o Grupo de Investigación Stellae (http://stellae.usc.es/) da Facultade de Ciencias da Educación da Universidade de Santiago.
Este Proxecto IRIS, Recursos de aprendizaxe innovadores para fomentar a igualdade no deporte de base, afrontando incidentes de discriminación, racismo e violencia, conta tamén conta con entidades e universidades doutros países como Grecia, Finlandia, Hungría e Bulgaria.
As persoas interesadas, ben relacionadas coa formación deportiva e centros de ensino ou nais e pais que queiran acudir a algunha das sesións, aínda poden apuntarse,.
Para elo deben consultar coa organización no teléfono 981 569 196 ou no correo electrónico eventos@trevisani.es . A entrada é de balde.
Entre os traballos desenvolvidos pola empresa de organización de eventos Trevisani para #Animar non é berrar están:
- Conceptualización do evento
- Secretaría técnica
- Deseño de escenografía e imaxe
- Produción
- Protocolo e relacións públicas
- Comunicación
- Personal auxiliar e azafatas
- Control, dinamización e confirmación de asistencias
- Soporte ao directo
Que é o Proxecto Iris?
O Proxecto IRIS (Recursos de aprendizaxe innovadores para fomentar a igualdade no deporte de base, afrontando incidentes de discriminación, racismo e violencia), é unha iniciativa financiada pola Unión Europea dentro do marco do Programa Erasmus +.
Desenvólvese en colaboración con diversas entidades e universidades de países como Grecia, Finlandia, Hungría e Bulgaria.
O campo de actuación deste proxecto céntrase na información, participación e formación activa respecto aos incidentes de discriminación e racismo no eido do deporte de base.
Que obxectivos ten?
Débese ter en conta que os deportes son una parte fundamental e integral da nosa sociedade actual, e o impacto deste tipo de incidentes poden ser enormes, sobre todo en nenos/as de corta idade.
Así, os obxectivos do proxecto IRIS están aliñados co novo Código de Ética do Deporte (UNESCO, 2010), o cal anima aos profesores/as de educación física e instrutores/as a outorgarlle á ética deportiva un papel central nos programas escolares.
Deste xeito o proxecto IRIS ten como obxectivo nuclear informar a adestradores/as e ao profesorado de Educación Física sobre como identificar os problemas subxacentes de discriminación, racismo e violencia, e deste xeito formalos e aportarlles novos enfoques didácticos coa finalidade de previr ditos fenómenos.
Ao mesmo tempo, tamén busca proporcionarlles ferramentas didácticas para que poidan aplicar e integrar estes novos enfoques nas actividades cotiás do deporte na escola.
Porén, este proxecto diríxese tamén a outro tipo de grupos coma: atletas, líderes de equipos deportivos, sociedades deportivas e comunidades e autoridades deportivas locais e rexionais.
Do mesmo xeito, este proxecto persigue acadar uns obxectivos e fins tales como:
– Informar a profesores/as de Educación Físicas e adestradores/as de como identificar problemas de discriminación, racismo e violencia.
– Comprender os principios do código ético do deporte.
– Formar a través de novos enfoques didácticos para tratar e previr estes fenómenos.
– Proporcionar ferramentas educativas para aplicar e integrar estes enfoques cada día nas actividades escolares e deportivas.
– Capacitar o manexo das emocións infantís asociadas coa participación en actividades deportivas.
Que realiza para levar a cabo os seus obxectivos?
Para acadar os obxectivos do Proxecto IRIS, habilitouse una plataforma de formación multilingüe (grego, húngaro, español, finés e búlgaro) onde os interesados en participar non teñen máis que acceder a recursos de aprendizaxe (tanto módulos temáticos como ferramentas educativas).
Esta actividade está deseñada coa finalidade de desafiar e enganchar aos estudantes a través dunha combinación de aprendizaxe dirixido e de aprendizaxe baseado na investigación e narrativa persoal.
Moitas das actividades céntranse na discusión e o seu obxectivo é o de levar aos estudantes a unha comprensión máis profunda da discriminación e da diversidade cultural.
Esta plataforma de formación cubre áreas relacionadas coa pedagoxía, a psicoloxía, asuntos sociais, deportes ou ética, que abordan o estado actual dos incidentes de violencia, racismo e intolerancia e como poden afrontarse e previrse en idades temperás.
Ademais, dende que se iniciou xa o proxecto, e ao longo do tempo, continuouse coa súa mellora a través da realización dun manual dirixido aos adestradores e profesorado de educación física para axudarlles na identificación de incidentes críticos que teñen que ver co racismo, o acoso ou a violencia.
Outra iniciativa foi a creación dun cómic destinado para os nenos e nenas de entre 6 e 11 anos de idade, que ten como obxectivo achegar aos máis novos as boas condutas no deporte a través de pequenas historias.
Do mesmo xeito, tamén se desenvolveu un videoxogo dirixido aos adolescentes onde se lle mostran situacións de discriminación para que as vaian resolvendo de forma didáctica.
