Trevisani, jurado en los Premios Eventoplus

Ana Trevisani, coma representante de OPC España, formou parte do xurado dos Premios Eventoplus, galardóns que destacan eventos, congresos e accións de relacións públicas e comunicación

Os días 3 e 4 de xullo, Madrid acolleu a edición número 13 de evento days, feira profesional na que se poden coñecer novidades tecnolóxicas, montaxes creativas, tendencias e solucións profesionais para o mundo dos eventos e congresos.

A esta xuntanza desprazouse un equipo da empresa de organización de eventos Trevisani, para visitares o encontro e para participar na Gala dos Premios Eventoplus.

Os Premios Eventoplus

Os Premios Eventoplus distinguen cada ano distintos congresos, eventos e reunións de España e máis Portugal.

Dende a súa organización apuntan que o seu obxectivo é “mellorar, profesionalizar, fomentar as boas prácticas, estimular a creatividade, recoñecer o talento e a implicación de todos os actores (provedores, axencias, clientes) e crear orgullo en sector”.

Esta edición 2018 dos Premios Eventoplus foi moi especial para a empresa pois Ana Trevisani, como representante de OPC España e presidenta de OPC Galicia, formou parte do xurado que seleccionou aos gañadores nas súas distintas categorías:

• Mellor evento para motivar ou de incentivo
• Mellor convención
• Mellor presentación de produto
• Mellor decoración
• Mellor comunicación
• Mellor evento de celebración
• Mellor presenza en feira / marketing feiral
• Mellor evento de RRPP
• Mellor cáterin
• Mellor animación / espectáculo
• Mellor evento deportivo
• Mellor montaxe técnica
• Mellor evento cultural
• Mellor evento de promoción
• Mellor congreso
• Mellor conferencia
• Mellor evento con orzamento reducido
• Mellor  produto novo / servizo
• Mellor espazo

Desde Trevisani queremos agradecer ao Grupo EventoPlus o contar connosco nesta edición.