Trevisani, no Iberian MICE Forum da Coruña

O equipo de Trevisani atópase desenvolvendo unha intensa axenda de traballo no Iberian MICE Forum da Coruña

Palexco, entre o 25 e o 27 de xuño, acolle a sexta edición do Iberian MICE Forum, considerado como o encontro profesional de turismo de incentivos e reunións máis importante de España.

Neste evento póñense en contacto os profesionais do sector, con encontros persoais que reúnen a provedores ou destinos.

O encontro da Coruña agrupa a 45 entidades impulsoras de eventos e 40 empresas organizadoras.

Trevisani acode a Iberian MICE Forum presentando os servizos que pode ofrecer e a experiencia que atesoura no mundo MICE, congresos, eventos ou incentivos.