En marcha, unha nova edición do Fórum Gastronómico de Girona
O evento gastronómico de referencia volve a Xirona cunha edición na que aos tres irmáns Roca súmaselle unha gran listaxe de estrelas gastronómicas
O Fórum Gastronómico de Xirona que se desenvolverá do 15 ao 17 de novembro volverá contar co exitoso formato dos anos anteriores, que inclúe as sesións de cociña en directo, unha feira coas mellores empresas do sector, os obradoiros que inclúen degustación e que requiren inscrición previa a través da web e moitas outras actividades.
A cita está organizada por Pep Palau, von Arend & Associats y en ella la empresa de organización de eventos Trevisani é delegación en Galicia e comercializa e colabora en distintas facetas.
Pep Palau, o seu codirector, explicou na súa presentación oficial o programa deste ano, un programa que contén nomes tan destacados como os irmáns Roca, Sergio e Javier Torres, Jordi Cruz, Nandu Jubany, Paco Pérez, Anxo León ou Ricard Camarena.
Por outra banda, o Fórum abre as portas ao mundo e tamén contará coa presenza dos franceses Alexandre Mazzia e Christophe Comes e os italianos Alessandro Negrini, Carmelo Chiaramonte ou Pietro Leemann, entre outros. Carlo Petrini, fundador do movemento Slow Food, ofrecerá unha sesión a dúo co triestrelado francés Régis Marcon.
No Fórum Viño, ademais da sesión de Josep Roca, estarán presentes Pepe Ferrer, Carlos Orta ou Joan Gómez Pallarès. No Fórum Doce, os talleres contarán con Corrado Assenza, Sergi Vela, Raúl Bernal, Alejandra Furtado ou Fernando Sáenz, entre outros. No Auditorio poderase gozar da demostración de Jordi Roca e dunha inédita sesión a cargo de Josep Ribé, Enric Rovira, Ramon Morató, Josep Castells e Íngrid Farré.
O arroz será protagonista de moitas das intervencións.
Ata o momento, o Fórum Gastronómico de Xirona conta cun 85% da superficie comercial vendida.